ਮੋਗਾ ਸ਼ਹਿਰ ਦੀ ਨਾਮਵਰ ਵਿਦਿਅਕ ਸੰਸਥਾ ਬਲੂਮਿੰਗ ਬਡਜ਼ ਸਕੂਲ ਵਿਖੇ ਗਰੁੱਪ ਚੇਅਰਮੈਨ ਸ਼੍ਰੀ ਸੰਜੀਵ ਕੁਮਾਰ ਸੈਣੀ ਅਤੇ ਚੇਅਰਪਰਸਨ ਮੈਡਮ ਕਮਲ ਸੈਣੀ ਜੀ ਦੀ ਯੋਗ ਅਗੁਵਾਈ ਹੇਠ ਸਕੂਲ਼ ਦੇ ਸਲਾਨਾ ਸਮਾਗਮ (18ਵੀਆਂ ਬੀ.ਬੀ.ਐੱਸ. ਖੇਡਾਂ) ਦੌਰਾਨ ਸਕੂਲ ਦੇ ਬੈਗਪਾਈਪਰ ਬੈਂਡ ਦੇ ਵਿਦਿਆਰਥੀਆਂ ਨੂੰ ਟ੍ਰਾਫੀਆਂ ਦੇ ਕੇ ਸਨਮਾਨਿਤ ਕੀਤ ਗਿਆ। ਇਸ ਮੌਕੇ ਚੇਅਰਮੈਨ ਸ਼੍ਰੀ ਸੰਜੀਵ ਸੈਣੀ ਜੀ ਨੇ ਦੱਸਿਆ ਕਿ ਸਾਡਾ ਬੈਗਪਾਈਪਰ ਬੈਂਡ ਸਿਰਫ ਸਕੂਲ ਦੀ ਹੀ ਨਹੀਂ ਬਲਕਿ ਪੂਰੇ ਮੋਗੇ ਜ਼ਿਲੇ ਦੀ ਸ਼ਾਨ ਹੈ। ਮੋਗਾ ਵਿੱਚ ਹੋਣ ਵਾਲੇ ਕਿਸੇ ਵੀ ਜ਼ਿਲਾ ਪੱਧਰੀ ਜਾਂ ਰਾਜ ਪੱਧਰੀ ਸਮਾਗਮ ਵਿੱਚ ਬੀ.ਬੀ.ਐੱਸ ਬੈਗਪਾਈਪਰ ਬੈਂਡ ਦੀ ਮੌਜੂਦਗੀ ਸਮਾਗਮ ਨੂੰ ਚਾਰ ਚੰਨ੍ਹ ਲਗਾ ਦਿੰਦੀ ਹੈ। ਉਹਨਾਂ ਅੱਗੇ ਦੱਸਿਆ ਕਿ ਸਾਡਾ ਬੈਗਪਾਈਪਰ ਬੈਂਡ ਹੁਣ ਤੱਕ ਅਨੇਕਾਂ ਹੀ ਵੱਡੀਆਂ ਹਸਤੀਆਂ ਦਾ ਮੋਗਾ ਪੁੱਜਣ ਤੇ ਸੁਆਗਤ ਕਰ ਚੁੱਕਾ ਹੈ। ਹਰ ਸਾਲ 15 ਅਗਸਤ ਤੇ 26 ਜਨਵਰੀ ਦੇ ਜ਼ਿਲਾ ਪੱਧਰੀ ਸਮਾਗਮਾਂ ਦੋਰਾਨ ਵੀ ਸਕੂਲ ਦਾ ਬੈਂਡ ਮਾਰਚ ਪਾਸਟ ਦੀ ਅਗੁਵਾਈ ਕਰਕੇ ਪਰੇਡ ਦੀ ਸ਼ਾਨ ਨੂੰ ਵਧਾਉਂਦਾ ਹੈ। ਮੋਗਾ ਜ਼ਿਲੇ ਵਿਚ ਕਈ ਮਹਾਨ ਸ਼ਖਸੀਅਤਾਂ ਦੇ ਪਹੁੰਚਣ ਤੇ ਇਹ ਬੈਂਡ ਉਹਨਾਂ ਦਾ ਸਵਾਗਤ ਕਰ ਚੁੱਕਾ ਹੈ, ਜਿਹਨਾਂ ਵਿੱਚ ਸਾਬਕਾ ਉੱਪ ਮੁੱਖ ਮੰਤਰੀ ਸਰਦਾਰ ਸੁਖਬੀਰ ਸਿੰਘ ਬਾਦਲ ਅਤੇ ਯੋਗ ਗੁਰੂ ਬਾਬਾ ਰਾਮਦੇਵ ਜੀ ਸ਼ਾਮਿਲ ਹਨ। ਉਹਨਾਂ ਬੈਂਡ ਵਾਲੇ ਵਿਦਿਆਰਥੀਆਂ ਨੂੰ ਸ਼ਾਬਾਸ਼ੀ ਦਿੰਦਿਆ ਕਿਹਾ ਕਿ ਅੱਜ ਇਹਨਾਂ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕਰਦਿਆਂ ਮੈਂ ਖੂਦ ਮਾਣ ਮਹਿਸੂਸ ਕਰ ਰਿਹਾ ਹਾਂ। ਸਨਮਾਨ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀਆਂ ਦੇ ਨਾਮ ਗੁਰਜੋਤ ਸਿੰਘ (ਕੈਪਟਨ), ਪਰਗਟ ਸਿੰਘ (ਡਰਮਰ), ਮਨਵੀਰ ਸਿੰਘ ਤੂਰ (ਡਰਮਰ), ਆਰਿਅਨ (ਡਰਮਰ), ਜਸ਼ਨਪ੍ਰੀਤ ਕੌਰ (ਡਰਮਰ), ਨਵਦੀਪ ਕੌਰ ਗਿਲ (ਡਰਮਰ), ਗੁਰਅਸ਼ੀਸ਼ ਕੌਰ (ਡਰਮਰ), ਜਸਮੀਨ ਕੌਰ (ਡਰਮਰ), ਹੁਸਨਪ੍ਰੀਤ ਸਿੰਘ (ਡਰਮਰ), ਗੁਰਵਿੰਦਰ ਸਿੰਘ (ਡਰਮਰ), ਮਨਰੂਪ ਕੌਰ (ਡਰਮਰ), ਸੁਖਪ੍ਰੀਤ ਸਿੰਘ (ਪਾਈਪਰ), ਹਰਸਿਮਰਨ ਸਿੰਘ (ਪਾਈਪਰ), ਰਣਜੋਤ ਸਿੰਘ (ਪਾਈਪਰ), ਰਾਜਕੁਮਾਰ (ਪਾਈਪਰ), ਬਰਿੰਦਰਪਾਲ ਕੌਰ (ਪਾਈਪਰ), ਸੁਖਮੀਨ ਕੌਰ (ਪਾਈਪਰ), ਅਮਨਦੀਪ ਕੌਰ (ਪਾਈਪਰ), ਸਾਹਿਬ ਅਰਜੁਨ ਸਿੰਘ (ਪਾਈਪਰ), ਜਸਪ੍ਰੀਤ ਸਿੰਘ (ਪਾਈਪਰ), ਸਾਹਿਲਪ੍ਰੀਤ ਸਿੰਘ (ਪਾਈਪਰ) ਹਨ। ਇਸ ਮੌਕੇ ਸਮੂਹ ਸਟਾਫ ਅਤੇ ਵਿਦਿਆਰਥੀ ਵੀ ਮੌਜੂਦ ਸਨ।